Yangiliklar
Press-tur: Samarqandda 90 ming gektardan ortiq yerga takroriy ekinlar ekilmoqda.
Mo'l hosil olish uchun ekinlarda o'z vaqtida agrotexnik tadbirlarni amalga oshirish muhimdir. Agrosanoat majmuasida o‘tkazilgan nazorat tekshiruvi Samarqand viloyati hokimligi tomonidan Bulung‘ur tumanida o‘tkazilgan press-tur, g‘alladan bo‘shagan yerlarda takroriy ekinlar yetishtirish, shuningdek, agrotexnik tadbirlarning bajarilishiga bag‘ishlandi.
Press-turda matbuot va ommaviy axborot vositalari vakillari, ijtimoiy tarmoq blogerlari va soha vakillari ishtirok etdi.
Dastlab yig‘ilganlarga qishloq xo‘jaligi mahsulotlari yetishtirish uchun mo‘ljallangan asosiy tomorqa maydonlarida, shuningdek, g‘alladan bo‘shagan yerlarda yetishtirilgan takroriy ekinlarni parvarish qilish bo‘yicha agrotexnik tadbirlarning amalga oshirilishi haqida ma’lumot berildi.
Aholining talab va taklifi, ichki va tashqi bozorlardan kelib chiqqan holda qishloq xo‘jaligi va oziq-ovqat mahsulotlari yetishtirish muhim ahamiyat kasb etishi ta’kidlandi.
Shu maqsadda hududlarda 2024-yil hosili uchun g‘alladan bo‘shagan 90 ming 450 gektar maydonga takroriy ekinlar ekildi. Shundan 4 ming 52 gektarga sabzavot, 15 ming gektarga kartoshka, 35 ming 96 gektarga dukkakli ekinlar, 36 ming 303 gektarga oziq-ovqat ekinlari yetishtirish 478 ming 873 tonnaga yetishi rejalashtirilgan; .
Inspeksiyaning Samarqand viloyati boshqarmasi va tuman bo‘limlari tomonidan 2024 yil hosili uchun ekilgan takroriy maydonlarda 870 ta nazorat tadbirlari o‘tkazildi. Aniqlangan qonunbuzarliklarning oldini olish maqsadida fermer va fermer xo‘jaliklari, klaster korxonalari rahbarlariga 16 ta taqdimnoma kiritilib, 624 ta ogohlantirish va 230 ta yozma ko‘rsatmalar berildi, – deydi Samarqand viloyati qishloq xo‘jaligi inspeksiyasi bosh mutaxassisi Shahriddin Butunov.
Bulung‘ur tumanida jami 2024-yil hosili uchun g‘alladan bo‘shagan 6 ming 70 gektar maydonga takroriy qishloq xo‘jaligi ekinlari ekildi. Shundan 282 gektar sabzavot, 4 ming 200 gektar kartoshka, 872 gektar dukkakli, 716 gektar oziq-ovqat ekinlari.
Bulung‘ur tuman inspeksiya bo‘limi tomonidan 2024-yil hosili uchun ekilgan takroriy maydonlar doimiy nazoratdan o‘tkazilib, bugungi kunda barcha agrotexnik tadbirlar o‘z vaqtida va sifatli bajarilmoqda.
Bu borada boshqarma tomonidan 182 ta nazorat tadbirlari o‘tkazilib, aniqlangan kamchiliklar o‘z vaqtida va samarali bartaraf etildi.
Takroriy ekinlar yetishtirishdan asosiy maqsad g‘alladan bo‘shagan yerlardan samarali foydalanish orqali aholi farovonligini ta’minlashdan iborat.
Axborot ko`magi
