Press-relizlar
AgroWorld Uzbekistan 2021`da agrar sohasi rivojlanishining innovatsiyalari va so`nggi tendentsiyalari
"Agrar sanoati – AgroWorld Uzbekistan 2021" sohaviy xalqaro ko'rgazmasi pandemiyadan keyin birinchi bo'lib, Iteca Exhibitions kompaniyasining bahorgi ko'rgazma mavsumini yopmoqda. Tadbir o'z ekspozitsiyasini 15-17-iyun kunlari poytaxtimizdagi "O'zekspomarkaz"da namoyish etadi, ikki pavilyonni egallaydi va an'anaviy tarzda O'zbekistonning barcha katta yer egalari uchun asosiy namoyishga aylanadi.
Agrar sektori O'zbekiston iqtisodiyotining o'sishida hal qiluvchi rol o'ynaydi. Mamlakatimizda oziq-ovqat xavfsizligini ta'minlashga qaratilgan sohani rivojlantirish bo'yicha puxta o'ylangan strategiya izchil amalga oshirilmoqda. Meva-sabzavot mahsulotlarini ishlab chiqarish, aholiga hayotni ta'minlash, salomatligini saqlash, bandlik sharoitlarini yaratish tizimining muhim tarkibiy qismi sifatida ushbu yondashuv davlatning iqtisodiy va ijtimoiy siyosatining asosiy yo'nalishlaridan biriga aylandi.
Qishloq xo'jaligi sanoati yiliga 6-7 foizgacha barqaror o'sish sur'atlarini namoyish etadi. Bu ko'rsatkichlar O'zbekistonni MDHning meva-sabzavot, meva, uzum ishlab chiqarish bo'yicha yetakchi davlatlaridan biriga aylantiradi, chunki mamlakatning tuproq-iqlim sharoiti deyarli barcha turdagi qishloq xo'jaligi ekinlarini yetishtirish imkonini beradi. O'zbekiston bugungi kunda 150 dan ortiq yangi va qayta ishlangan meva-sabzavot mahsulotlarining yirik eksportchisi hisoblanadi.
Shu bilan birga, innovatsion agrotexnologiyalarni joriy etish va uni yuqori samarali qishloq xo'jaligi texnikasi bilan jihozlash O'zbekiston qishloq xo'jaligini yanada barqaror va samarali rivojlantirishning eng muhim yo'nalishi bo'lib qolmoqda. Ushbu vazifalarni amalga oshirish uchun ko'plab xorijiy mamlakatlarning ilg'or tajribalari faol o'zlashtirilmoqda, ularning vakillari Toshkentda endi 16-marotaba bo'lib o'tadigan O'zbekistonning eng yirik sohaviy – "Agrar sanoati – AgroWorld Uzbekistan" ko'rgazmasida ishtirok etmoqda.
Har yili ko'rgazma sanoatning yirik o'yinchilari va jahon darajasidagi eng yangi texnologiyalarni taqdim etadigan yetakchi ishlab chiqaruvchilarni yagona maydonda to'playdi. Bu yilgi ko'rgazmada Belgiya, Germaniya, Italiya, Xitoy, Koreya Respublikasi, Niderlandlar, Polsha, Rossiya, Tailand, Turkiya, O'zbekiston va Ukraina kabi 12 mamlakatdan 95 kompaniya ishtirok etmoqda.
Ko'rgazma tematik pavilyonlarga bo'lingan:
Pavilyon № 3 - donni qayta ishlash va saqlash, issiqxonalar, urug'lar, o'g'itlar, sug'orish. Pavilyon mutaxassislar uchun don va urug'larni ekish, o'g'itlar va o'simliklarni himoya qilish vositalarini tanlash, tuproqni qayta ishlash, ekinlarni parvarish qilish, hosilni yig'ish va boshqa ko'plab yechimlarni taqdim etuvchi yirik ishlab chiqaruvchilarni jamlaydi.
Pavilyon №4 – parrandachilik, chorvachilik va omuxta yem. Ushbu pavilyon so'yish, parranda va chorvachilikni dastlabki qayta ishlash va qayta ishlash texnologik liniyasining to'liq tsiklini qamrab oladi – boqib ko'paytirish va parvarishlashdan boshlab, go'shtni muzlatish va qadoqlashgacha.
An'anaviy tarzda, ko'rgazmada milliy ishtiroki bilan turk ishlab chiqaruvchilari namoyish etilgan – 42 ta sanoat peshqadamalari issiqxona xo'jaligi, tegirmonchilik va don ishlab chiqarish, parrandachilik fabrikalari uchun uskunalar, qadoqlash va ombor texnologiyalari sohasidagi so'nggi ishlanmalarini namoyish etadi.
Bu yil jamoaviy ekspozitsiya tarkibida Rossiya Federatsiyasining uchta hududi – Udmurtiya Respublikasi, Rostov va Moskva oblastlari mavjud. Jamoaviy ishtirok tarkibidagi kompaniyalar o'zlari bilan dehqonchilik texnologiyalari, chiqindilarni qayta ishlash uskunalari, ko'chatlar, urug'lar va o'g'itlarni olib kelishadi.
Ta'kidlash lozimki, niderlandlik ishlab chiqaruvchilarning ko'rgazmaga bo'lgan yuqori qiziqishi yildan-yilga ortib bormoqda. Bu safar 6 ta yetakchi kompaniya parrandachilik, chorvachilik va issiqxona ishlab chiqarish sohalarida o'z uskunalarini taqdim etadilar.
Bu yilgi ko'rgazmaning debyutantlari orasida: Certhon (Niderlandlar), Eggersmann GmbH (Germaniya), Preserved Food Specialty (Tailand), Щелково Агрохим (Rossiya), Bionovatic (Rossiya), Ангел Ист Рус (Rossiya), Kubo (Niderlandlar), Artes Politecnica (Italiya), Глазовский комбикормовый завод (Rossiya) va boshqalar.
Mahalliy ishtirokchilar tomchilab sug'orish, hayvonlar uchun ozuqa va o'g'itlar bo'limlari namoyish etilgan, jumladan, “Agro Express Aziya” MChJ, “Agrovethimoya” MChJ, “Go'zal Tabiat” MChJ, “Oscarfeed” MChJ va boshqalar.
Ko'rgazmaning ikkinchi kuni – O'zbekiston fermer, dehqon xo'jaliklari va tomorqa yer egalari kengashi ko'magi ostida o'tkazilayotgan an'anaviy "Fermerlar kuni"dir. Shu kuni respublikamiz viloyatlaridan kelgan fermerlar xorijiy tajriba bilan tanishish, mahsulot yoki xizmatlarni tanlash va ko'rgazmada namoyish etilgan keng turdagi mahsulotlar ishlab chiqaruvchilari va yetkazib beruvchilari bilan bevosita muloqot qilish uchun yig'iladilar.
Biznes dastur
Sohaning strategik muhim voqealaridan biri – 2-chi O'zbekiston global agrosanoat forumi – UGAF ko'rgazma doirasida ikkinchi marta O'zbekiston Respublikasi qishloq xo'jaligi vazirligi rasmiy ko'magi ostida va YXHTning O'zbekistondagi loyihalari koordinatori hamkorligida o'tkaziladi.
Forumni tashkillashtirish tajriba va eng yaxshi amaliyotlar almashish, hamkorlik munosabatlarini integratsiya qilish, tarmoqlararo hamkorlikni kengaytirish va yaqin kelajakda O'zbekistonda va xorijda ekologik toza mahsulotlarni ishlab chiqarish, qayta ishlash va taqsimlash masalalarini muhokama qilishga qaratilgan.
2020-yilda O'zbekiston Respublikasi Qishloq xo'jaligi vazirligi "O'zbekiston Respublikasi qishloq xo'jaligini rivojlantirishning 2020-2030-yillarga mo'ljallangan strategiyasi"ni forumi ishtirokchilariga taqdim etdi. Bu yil, forum birinchi kunining yarmida – 15-iyun kuni forum ishtirokchilari o'tgan yil davomida strategiyaning natijalari, xususan, ushbu strategiya doirasida amalga oshirilayotgan asosiy yo'nalishlardan biri – agrar sanoati bilimlari va innovatsiyalar tizimi, AKIS loyihasi (Agricultural Knowledge and Innovation System) bilan tanishish imkoniyatiga ega bo'ladilar - bu agrar sohasi va qishloq xo'jaligini butun mamlakat bo'ylab o'zgartirishi mumkin bo'lgan amaliy g'oyalarni yaratish va tarqatish uchun katalizator bo'lib, O'zbekistonda agrar sanoati bilimlari va axborotlarini ishlab chiqarish, almashish va ulardan foydalanish yo'llarini yaxshilash uchun o'zgartirish rejasi bo'ladi. Tizim barcha darajadagi qishloq xo'jaligini rivojlantirishda ishtirok etadigan barcha asosiy davlat, xususiy va jamoat tashkilotlari o'rtasidagi munosabatlarni mustahkamlash zarurligiga asoslanadi.
Shuningdek, forum doirasida "Agromart" loyihasi taqdim etiladi - agrar sanoati ishlab chiqaruvchilari uchun O'zbekistondagi eng yirik raqamli xizmat yetkazib beruvchisiga aylanadi. Loyiha YXHTning O'zbekistondagi loyihalari koordinatori tomonidan qo'llab-quvvatlanadi.
Ikkinchi kun – 16-iyunda, UGAF doirasida AKIS tizimini xalqaro mehmonxonalarga taqdim etish uchun O'zbekiston Respublikasi Qishloq xo'jaligi vazirining mas'ul o'rinbosarlari ishtirokida sayyor demo-tur tashkil etiladi.
Tashkilotchilar, ijtimoiy mas'uliyatli kompaniya sifatida, ishtirokchilar va tashrif buyuruvchilarning salomatligiga xavfsiz muhitni ta'minlash uchun puxtalik bilan tayyorlandilar. AgroWorld Uzbekistan ko'rgazmasi O'zbekiston Respublikasi Sog'liqni saqlash vazirligi va koronavirusga qarshi kurash bo'yicha Respublika maxsus komissiyasi hamda Jahon ko'rgazma sanoati uyushmasi (UFI) tomonidan ishlab chiqilgan standartlar bilan belgilangan barcha normalar va talablarga qat'iy muvofiqlikda o'tmoqda.
Ko'rgazmaga rasmiy ko'mak ko'rsatmoqda:
- O'zbekiston Respublikasi Qishloq xo'jaligi vazirligi
- O'zbekiston Respublikasi Investitsiyalar va tashqi savdo vazirligi
- O'zbekiston fermer, dehqon xo'jaliklari va tomorqa yer egalari kengashi
- O'zbekiston Savdo-sanoat palatasi
UGAF 2-chi global agrosanoat forumining bronza homiysi: Agrisovgaz
Ko'rgazmaning axborot hamkori: Agromart
Texnik hamkor: Led Design Group
Tadbir Iteca Exhibitions xalqaro ko'rgazma kompaniyasi va uning hamkori – ICA Eurasia tomonidan tashkil etiladi.
Qo'shimcha ma'lumot uchun Iteca Exhibitions matbuot xizmatiga murojaat qiling
Tel: + (998 71) 205 18 18, faks: + (998 71) 237 22 72
E-mail: pr@iteca.uz; www.iteca.uz
Axborot ko`magi
