Yangiliklar
Toshkentda O‘zbekiston va Ozarbayjon o‘rtasida qishloq xo‘jaligi sohasidagi hamkorlik masalalari muhokama qilindi
🇺🇿🇦🇿 Anjumanda so'zlagan nutqida O'zbekiston Respublikasi Vazirlar Mahkamasi huzuridagi Makroiqtisodiyot va mintaqaviy tadqiqotlar instituti (IMRI) direktori, iqtisod fanlari doktori. Umid Abidxadjayev O‘zbekiston va Ozarbayjon o‘rtasidagi iqtisodiy hamkorlikning muhim yo‘nalishlariga to‘xtaldi.
Muhokama uchun taqdim etilgan mavzular orasida qishloq xo‘jaligi sohasidagi hamkorlik masalalari muhim o‘rin tutdi.
Ozarbayjon paxtani qayta ishlash sohasida katta imkoniyatlarga ega. Mamlakatda yiliga 270 ming tonna paxta xomashyosi yetishtiriladi. O‘z navbatida, O‘zbekiston ham bu borada salmoqli tajribaga ega. Bu borada qo‘shma paxta-to‘qimachilik klasterlarini tashkil etish Ozarbayjonda paxtachilikni rivojlantirish va O‘zbekistonda qayta ishlash korxonalari uchun xomashyo bazasini kengaytirishga xizmat qiladi.
Shu bilan birga, qishloq xo‘jaligining rivojlanishini yer islohotlarini amalga oshirmasdan turib tasavvur etib bo‘lmaydi. Ozarbayjonning bu boradagi muvaffaqiyatli tajribasini o‘rganish yer bozorini shakllantirish va yer munosabatlarini tartibga solishni takomillashtirishga xizmat qiladi.
Axborot ko`magi
